دلال حبيبتي، البرنامج كان شي وايد حلو وخطواته بسيطة

في البداية حسيت إنه هذا كله أنا سامعته ممكن ما يفيد ما يؤثر

بس إذا ركزنا في اللي تقولينه وقسناه على حياتنا ننتبه على وايد
أغلاط إنتي وعيتينا عليها وعلى حلول ممكن تفرق معانا.

في النهاية التجربة كانت وايد حلوة وإنتي أكثر مدربة فالدنيا

شرحة وتهبلين واللي يدش عندج لازم يطلع ممتلي طاقة إيجابية

وحاب يتواجد في كل دوراتج وبرامجج، الله يسعدج

دلال توني أشوف آخر بودكاستين، ما تتخيلين شكثر سعدتني والله ما أقدر أعبر بالكلام بس جد كلامج فتح عيوني ع شغلات واجد من تابعتج لي اليوم قاعدة أطبق وياج، في تغيرات بحياتي صارت لدرجة أمي قالت لي ملاحظة علي شغلات تغيرت للأحسن والكلام طويل بس ما أقول إلا مشكورة و يعطيج العافية و يوفقّج الله في درب تسلكينه ويرزقج من حيث لا تحتسبين.

دلال أنا عرفت أكاونتج وطحت عليه من نفسي تاريخ 31-12-2019 تخيلي! إنتي تقولين بالبودكاست الله يطرشلج عشان يحبج. دلال من بداية 2020‏ أنا وحدة ثانية أهدى، أسعد، منجزة أكت، فاهمة نفسي، تعلمت أعيش، تعلمت أعرف أعيش، تعلمت إنه السعاده قبل الأهداف مو بعد الوصول لها، تعلمت أنسجم مع الأشياء اللي ما أحبها بحياتي لانج قلتي اهيا موجودة تعاملي معاها بطريقة تخدمج. تعلمت أكون سعيدة كل يوم، تعلمت أخطط وأطبق، تعلمت أفهم نفسي، تعلمت ما أعطي الناس أكبر من حجمها وأحدد علاقاتي مع الناس، تعلمت أثق في نفسي أكثر، تعلمت إني ما أهتم ولا أسعى لرضى أحد قبل نفسي.

اليوم صارلي شي يضحك.. طالعة من الدوام راجعة البيت أمشي وأسمع صوتج! قلت الظاهر من كثر ما أسمع البودكاست قمت أسمع صوتج بكل وقت.. يمكن بس براسي الصوت مو صج.. المهم وأنا بالسيارة مرة أسمعه ومرة يختفي! لما وصلت البيت قطيت أغراضي وأنا أتغدى ماكو شي.. اختفى صوتج.. بعدها رحت أريح أشوي حطيت راسي عالمخدة ولا أسمع صوتج.. كلش يم راسي.. ولا طلع تليفوني مشغل البودكاست اللي مختارته من قبل علشان أسمعه لما أفضى ومخلص بعد.. كنتي بجنطتي تنصحيني وأنا مصكرة عليج.. بس علشان تعرفين إنج دايماً معاي.. بالدوام بالسيارة بالبيت.. وأهم شي داخل جنطتي.

شكثر شكثر أنا أكتبلج وأنا أسمع صوتج بالبود كاست وأفكر هالإنسانة اللي أنا ما أعرفها شكثر شكثر غيرت دنيتي، أنا أدعيلج كل يوم إنتي بعد الله حليتي دنيتي وخليتي جودة حياتي تتحسن. أنا أدعي أشوفج بمكان وأقدر ألمج وأشكرج حييييل مع إنه الشكر قليل بحقج والله.

ما أهتم ولا أسعى لرضى أحد قبل نفسي، تعلمت أحترم نفسي وجسمي، تعلمت أخفف القلق، تعلمت أقوي صداقاتي وأكون مستعدة ومنفتحة لصداقات جديدة، تعلمت ما أحكم على الناس لأنه إنتي قلتي كل شخص ديرة بروحه واللي عندي صح ممكن عندهم غلط والعكس صحيح. تعلمت أرتب نفسي كل يوم عشاني عشان أكون سعيدة، تعلمت إني أوفر فلوس أكثر. أنا اكتشفت إنه التسوق والصرف999

أنا من السعودية عمري 25 سنة كنت أتابع البودكاست تبعك من سنين وتركته ورجعت له وانبسطت، أنا أسمعه بالمطبخ أو أسوي ماسك، مرررة شكرًا لك من الأعماق.. أحسك صديقتي الصدوقة اللي تنصحني بنصائح أنا فعلا كنت مفتقرتها من المجتمع. وإذا عجبني أرجع أسمعه أكثر من مرة. الله يوفقك ويسعد قلبك ويفتح عليك فتوح العارفين.. مررررة أحبك وحبيتك أكثر لأن طريقة كلامك وأسلوبك نفس أستاذة الفيزياء وأنا جدا أحبها.

البارح سمعت بودكاست 0 عن حب النفس وكان رائع، فأنا الآن متابعة جديدة من الجزائر، عجبتني حتى طريقة كلامك.

إنتي كمية إيجابية عطيتيها ليا مش طبيعية. بجد تغيرت أنا إنسانة كنت مدمنة علي لعبة اسمها ببجي وكانت أختي تتابع فيك وقعدت تقولي شوفيها حتغيرلك كل حياتك واللعبة هذي حتتركيها والحمد لله اللعبة معش لعبتها كثير ومعش صارلي إدمان وراحت مني العصبية وصرت إنسانه ثانية وشكرا ليك.

ما تدرين قديش غيرتي فيني كثيربطريقة إيجابية وبشكل كبير ما تتخيلينه، الله يسعد قلبك يارب.

استمعت لبودكاست انسجام كاملًا، وقد شكّل إضافة جميلة ومميزة لي. استفدت منه كثيرا وطبقت عددا من الاختبارات التي كنت تطرحينها نهاية كل حلقة منه. بل إنني شاركته مع صديقاتي؛ وكل من ارتأيت أنّه سيستفيد منه. أحببتك صدقًا وأعجبت بما قدمتيه،

وتقدمينه. أخيرًا جعلت لك نصيبًا من دعواتي في هذا الرمضان، وشرفت بك، وبمعرفتك. وقناتك على اليوتيوب، ثالث قناة من أصل عشر قنوات أحرص على متابعة محتواها باستمرار.

من بعد 3 سنين رجعت وسمعت كلامج وحلقاتج.. كنت أظن إني خلاص سمعت وفهمت والحين من كمن يوم وأنا أسمع كلامج من حلقة صفر وكأني أول مرة أسمعه. اليوم أثرت فيني حلقة سامحيهم. نقاط الحل جدا كانت مفيدة وصحيحة وأهم نقطة إنه اللي صار بكتبة الله ولصالحي والموضوع ما يخصني بس صار لأعرف شي. حبيبتي كلامج غير وايد أشياء فيني وصرت واعية بأمور كنت ما أعرف أتعامل معاها، شكرا لج من القلب.

أقدر اقولك إني أعلنت حبي لك. أحبك وكل اللي أعرفهم أقول اسمعوا أستاذة دلال.

شكرا أستاذة دلال على حلقة ثبتي نجاحك أنا أحس إني لقيت الخيط حق أسئلتي إني ما أشوف طريق النهاية أو الهدف.. الحين بديت أشوف طريق النهاية، أنا من بديت أسمع حلقاتك وأنا والله متغيرة للأفضل وراح أستمر أسمع وأطبق اللي تعلمينا إياه بالبود كاست وراح أبشرك بحصولي على درجة الدكتوراة وراح أحاول اللي أقدر عليه أجي أمسية فتحي قلبك وفي الأمسية باجي وبلمك من قلبي وباحبك على رأسك لأنه بفضل الله وبفضل بودكاستاتك صرت أفضل وأفكر بوعي أكثر وما صرت سجينة أفكاري واكتئابي نفس قبل.. أختك.

أنا أتابع يوتيوب لي يوم 4،  شكرا من قلبي لك، شكرا أستاذة دلال لجهودك الجميلة وإلى كلماتك اللي توصل إلى القلب، يارب التلقي معك شخصيا أستاذة دلال ممتنة لك كثير والله أحبك مرة. كل خوف فيني يتلاشي تمام من أسمع صوتك وأنسى كل شيء انتهي خلاص فتحت صفحة جديدة مع نفسي، شكرا لك من قلبي لأنك خلقتي مني نجما لامعا مضيئا أنرتي عتمتي بكلماتك. تدرين إني أحب تفاصيل نجاحك وكلامك، سيدتي أحبك كثير دمتي لي. شكرا لأنك بحياتي أنت عظيمة بقلبي أسال الله يحفظك ويرعاك من قلبي إلى قلبك يافتاة الأرض.

ختمت البودكاست وللحين أدخل وأعيده لأني ليالي طويلة نمت على صوتك وما كملت البودكاست كامل. أحبك وممتنة لكل حرف سمعته منك ولكل لحظة حسيت إني منسجمة مع حياتي ولكل قصة ألهمتني ورفعت مشاعري. اليوم يوم مميز لي أول دوام لي بعد عطالة وظروف صعبة مريت فيها وحبيت أشكرك وأقولك شعوري لأني أحسك معي بصوتك وكلامك والإنجلش الحلو وسط كلامك مدري أحسك تعنيني. متفائلة أن الخير مقبل وهذا أول الخير بإذن الله.

أستاذة دلال ماتتصورين شلون تطورت حياتي للأفضل يمكن هي تفاصيل صغيرة بس اعتبرها إنجاز بالنسبة لي، بس مجرد ماسمعت بودكاست انسجام أنا أحب أمشي بالترتيب، الحين واصلة 38 والله العظيم كل كلمة تقولينها أكتبها وأطبقها لحد ماصرت أتخيل صوتك بكل موقف يصير لي، دلال تخيلي لارحت لحمولتي أحسهم زعلانين علي وكل همي اللي حولي يحبوني ويعجبهم شكلي وأسلوبي مدري ليه أفكر كذا وبعد زوجي بعيد عني مايعطيني حب واهتمام بس يحب نفسه وكنت أتضايق مرة ماكنت أدري إن لازم أحب نفسي أول. وبعد قومة الصبح أول مستحيل أقوم تخيلي أصحى المغرب وخذلك يالنفسية وضيقة الصدر وولدي أبو 4 أربع سنوات إذا صاح ما أتضايق ولاشي بالعكس كل هذا راح تغير وأنا الحين مركزة على نفسي وذاتي وثقتي بنفسي وبطبق كل حرف تقولينه وإن شاء لله تتغير نفسيتي وحبي لذاتي يكبر وألف شكر لك من أعماق قلبي والله.

دلال تدرين إن صوتك مريح وأسلوبك حلو ما شاء الله. أنا خلال السنة اللي فاتت وهذي السنة سمعت كل البودكاست اللي منزلتهم وصرت أنتظر البودكاست كل جمعة.. غيرتي فيني كثير ومع هذا للآن إذا حسيت إني متضايقة أو جايني قلق النوم ومو قادرة أنام أفتح أي بودكاست منهم حتى وأنا سامعته من قبل! وأسمع وأحس إني أبدأ أشوف الدنيا من منظور ثاني عقب كلامك.

سمعت تقريبا أغلب بودكاستاتج باقيلي عشر منها بس إن كثرت. بغيت أقولج إياها بصريح العبارة إنتي غير جد غير. ياما سمعت ل وايد وايد وايد ناس مختصين بعلم الطاقة والعلاقات.. بس!! والله مابالغ كل شي فيج مميز لدرجة عمري مافكرت أتعامل مع لايف كوتج والحين أنا مقررة أخوض هالشي معاج مع إنه مب بسيط.

قاعدة أسمع حلقات بودكاست انسجام من حلقة إلى حلقة برغم كل يوم أو يومين أرجع أسمعهم ما أخليهم أحسهم يمثلوني.

السلام عليكم، اليوم تابعت حلقة الاتضهاد العاطفي. مت من البكي ليما تورمت عيني لأني أعيشه مع زوجي. مشكورة حبيبتي وعيتينا بشكل كبير، الله يجازيش كل خير.

برافو عفيه عليج إنتي إنسانة طموحة والله يوفقج أنا بالغلط سمعتج مع ضاري الإبرهيم في بودكاست وسمعت عن الانسجام. قعدت أسمع البودكاست واحد ورى الثاني. استفدت وايد أمور من كلامج في ناس كثير مدربين للأسف يوريك كل شي حلو وماتوصل معاه لحل لكن إنتي طريقتج جداً حلوة، فخور فيج أختي.

أنا متابعة لك من فترة ألاحظ إن حياتي تتغير للأفضل، أسمع كثيرا البودكاست على قناتك واستفدت كثيرا وأجمل شيء في هذا الشهر إني فزت بالهدية. الموضوع جد،  أنا ممتنة لك استاذة.

اليوم قمت من النوم وقررت أبعث لكل شخص في حياتي وكان سبب في تغيير حياتي ولو جزء بسيط منها وكنت أولهم. كمية الطاقة اللي تصلني من بس أشوف صورتك رائعة جدا بارك الله فيك وممتنة لوجودك في حياتي شكرا من القلب.

أحبج دلال، كوتش مميزة كأنج تكلمين صديقاتج. الكوتش الصديقة أنتي.. ممتنة لج.

Hi Dalal. First of all, I want to thank you for your amazing podcasts! My friend introduced me to them and they have been such great help ever since I started listening. I'm currently in the states and being quarantined at home is so hard but listening to your podcasts always makes me feel like I'm using my time wisely and preparing for life post quarantine since I'll be graduating and going back to Kuwait by the end of the summer. I can't wait to come back and participate in your diwaniya and even visit you in your office, much love!

Hi Dalal. First of all, I want to thank you for your amazing podcasts! My friend introduced me to them and they have been such great help ever since I started listening. I'm currently in the states and being quarantined at home is so hard but listening to your podcasts always makes me feel like I'm using my time wisely and preparing for life post quarantine since I'll be graduating and going back to Kuwait by the end of the summer. I can't wait to come back and participate in your diwaniya and even visit you in your office, much love!

Hey Dalal, I love to listen to your YouTube podcasts while I'm jogging or walking or doing my daily workouts only. It became like a ritual to me. I work in a very critical sometimes 24 hours job that wrecked my sleeping pattern. So usually I jog and workout at night times or at mornings or noon. All hours became the same to me. Right now, I'm jogging while listening to your podcast. Keep it going and good luck. I only listen to your podcast in my "ME TIME" to enjoy them.

Dear Dalal , I just want to thank you for the podcast episodes, I am new to this podcast thing and seriously your episodes showed up to me like a light where I was lost & I needed some lighting in my life, can’t thank you enough for it, god bless you.